Astanada mektep oqýshysy jumbaq jaǵdaıda kóz jumdy
ASTANA. QazAqparat - Astana qalasyndaǵy №59 mektep-lıtseıinde 8-synyp oqýshysy qaıtys boldy.
Qalalyq bilim basqarmasy men mektep qyzmetkerleri «QazAqparat» tilshisine balanyń ne sebepti qaıtys bolǵanyn aıta alǵan joq.
«Er balanyń qaıtys bolǵany ras. Biraq, maǵan áli kerek qorytyndylar kelgen joq. Sondyqtan, eshqandaı aqparat bere almaımyn», - dedi qalalyq Bilim berý basqarmasy baspasóz qyzmetiniń jetekshisi Botagóz Omar.
Al, ózin tanystyrýdan bas tartqan №59 mekteptiń qyzmetkeri «QazAqparat» tilshisine: «Balany jedel-járdem mektepten alyp ketti. Qazir mektep basshylyǵy balanyń janazasyna ketti. Búkil aqparatty basshylar beredi. Men oqıǵa ornynda bolǵan joqpyn»,-dep jaýap berdi.
Balalary osy bilim mekemesinde oqıtyn ata-analardyń aıtýynsha, oqýshy mektepte kóz jumǵan. Oqıǵa 30 qarasha kúni oryn alǵan.
