Astanada mektep oqýshylarynyń arasynda matematıkadan úzdikter anyqtaldy
ASTANA. 31 qazan. QazAqparat - Elordada №64 mektep-lıtseıde «Matematıkalyq shaıqas» qalalyq baıqaýy aıaqtaldy. Bul týraly astana.kz saıtyna «Astana daryny» óńirlik ǵylymı-praktıkalyq ortalyǵynan habarlady.
Jarys 3-4-synyp oqýshylarynyń arasynda 3 kezeńmen ótkizildi. І kezeń - mekteptik, ІІ kezeń - irikteý (test), ІІІ kezeń - matematıkalyq shaıqas. Іrikteý týryna 66 mektepten 195 oqýshy qatysty. Qazaq tilinde bilim alatyn 117 jáne orys tilinde bilim alatyn 78 oqýshy matematıka páninen berilgen test tapsyrmalaryn oryndap shyqty. Testileý nátıjesi boıynsha qazaq tilinde oqytatyn №62 ML, №70 ML, №38 ML, №56 ML, №64 ML, №34 OM, №54 ML, №66 ML, «Nur Orda» QTL, №17 MG, №50 MG jáne orys tilinde oqytatyn №1 ML, №60 ML, №32 MG, EL, №2 MG, №3 MG, №7 MG, №36 OM, №30 MG, №31 MG, №28 MG joǵary ball jınady.
Zııatkerlik shaıqastyń aqtyq týrynda irikteý kezinde testileý nátıjesi boıynsha joǵary ball jınaǵan 22 komanda (66 oqýshy) kúsh synasty. Jarys komandalyq konkýrs, kapıtandar konkýrsy, ekspress konkýrs sııaqty 4 kezeńmen ótti.
Jarys qorytyndysy boıynsha, qazaq tilinde oqytatyn mektepter arasynda №64 ML «Aqqanat» jáne №38 ML «Júzden júırek» komandalary І oryn aldy. Orys tilinde oqytatyn mektepter arasynda №1ML «Talısman» komandasy kósh bastady. Matematıkalyq shaıqas - mektep synyptary nemese túrli mektep komandalary arasynda matematıka páninen tapsyrmalardy oryndaý boıynsha uıymdastyrylatyn komandalyq jarys. Jarystyń negizgi maqsaty oqýshylardy kúrdeli erekshe tapsyrmalardy óz betinshe sheshýge úıretý, toppen jumys isteý mashyqtaryn qalyptastyrý bolyp tabylady.
