Astanada mektep oqýshylaryn TJ kezindegi júris-turys qaǵıdalaryna oqytý ilki jobasy iske qosyldy (FOTO)
ASTANA. QazAqparat - 2015 jylǵy 1 qyrkúıekte Astana qalasynyń № 63 mektebinde bastama alǵan Qazaqstan Respýblıkasy Іshki ister mınıstrligi Tótenshe jaǵdaılar komıtetiniń, Bilim jáne ǵylym mınıstrligi men BUU «ıÝNISEF» balalar qorynyń mektep oqýshylaryna tótenshe jaǵdaılar kezindegi júris-turys qaǵıdalaryn oqytýǵa baǵyttalǵan birlesken jobasy usynyldy.
Jobany iske qosýǵa mekteptiń pedagogıkalyq ujymymen birge Qazaqstan Respýblıkasy Іshki ister mınıstriniń orynbasary Vladımır Bojko, Y. Altynsarın atyndaǵy Ulttyq bilim akademııasynyń prezıdenti Janbol Jylbaev, BUU «ıÝNISEF» balalar qorynyń Qazaqstandaǵy ókili ıÝrıı Oksamıtnyı qatysty, dep habarlady Tótenshe jaǵdaılar komıtetiniń baspasóz qyzmeti.
Jobanyń basty maqsaty - oqýshylar arasynda ózderiniń jeke qaýipsizdigi men aınalasyndaǵylardyń qaýipsizdigine sanaly jáne jaýapty qatynas qalyptastyrý, ómirge qaýip tóndiretin jaǵymsyz jaǵdaılarda ómirdi saqtaý jáne zardap shekkenderge alǵashqy kómek kórsetý daǵdylaryn úıretý bolyp tabylady.
BUU «ıÝNISEF» balalar qorymen birlesip mektepte tótenshe jaǵdaılar kezindegi júris-turys qaǵıdalaryn oqytý kabıneti daıyndaldy. Bul kabınette nusqaýlyqtardyń, oqý-ádistemelik quraldardyń, sabaqtardy ótkizýge arnalǵan oqytý jáne kórneki quraldarynyń úzdik úlgileri, avarııalyq-qutqarý qural-saımandardyń úlgileri, jeke qorǵaý, órt sóndirý jáne alǵashqy medıtsınalyq kómek kórsetý quraldary jınalǵan.
Sonymen qatar, kabınette bul jobany iske asyrý úshin úgit-nasıhattaý, halyqqa tótenshe jaǵdaılar kezindegi júris-turys qaǵıdalaryn úıretý jumystarynda paıdalanylatyn eń ozyq halyqaralyq, onyń ishinde QR ІІM TJ komıtetiniń tájirıbesi jınaldy. Іshinara bastaýysh synyp oqýshylaryna arnalǵan oqýlyqtar jáne oıyndar jınalǵan. Bul oqý materıaldardyń mazmuny, sabaqtardy ótkizý túrleri men ádistemeleri tabıǵı jáne tehnogendik sıpattaǵy tótenshe jaǵdaılardyń túrleri, olardyń aldyn alý ádisteri týraly málimet alýǵa múmkindik beredi.
Oqýshylar órt sóndirýdiń bastapqy quraldarymen paıdalanýǵa, órt shyqqan jaǵdaıda alǵashqy is-qımyldarǵa, jeke qorǵaý quraldarymen, qar qursaýy jáne jer silkinisi kezindegi qaýipsizdik sharalaryna, alǵashqy medıtsınalyq kómek kórsetý jáne de basqa mańyzdy taqyryptar boıynsha bilim alatyn bolady.
Tótenshe jaǵdaılardyń aldyn alý boıynsha teorııalyq jáne praktıkalyq sabaqtardy muǵalimdermen birge QR ІІM Tótenshe jaǵdaılar komıtetiniń mamandary da ótkizedi dep josparlanýda. Bolashaqta bul tájirıbe elimizdiń óńirlerine taralatyn bolady
