Astanada mektep oqýshylary qurastyrǵan áskerı tehnıkalar men qarý-jaraqtardyń kórmesi ótýde
ASTANA. 27 qarasha. QazAqparat - Astanadaǵy №18 mektebinde «Jas áskerı tehnık» kórmesi ótýde. Oǵan mektep oqýshylary qurastyrǵan áskerı tehnıkalar men qarý-jaraq zattary shyǵarylyp otyr.
Astana qalasynyń Bilim berý basqarmasynyń alǵashqy áskerı daıyndyq boıynsha ádiskeri Qanat Rahymbekovtyń aıtýynsha, bıyl alǵash ret ótip jatqan kórmede ádil qazylar alqasynyń qaraýyna oqýshylar jasaǵan kemeler, áýe ushaqtary, tankter, tikushaqtar jáne taǵy da basqa áskerı tehnıkalardyń shaǵyn úlgileri usynyldy.
Jeńimpazdar «Uly Otan soǵysy jáne qazirgi áskerı tehnıka», «Zymyran keshenderi jáne artıllerııa», «Áskerı avıatsııa», «Kemeler», «Áskerı bólimderdiń maketteri» jáne «Qarý-jaraq» atty 6 atalym boıynsha anyqtalatyn bolady.
Sondaı-aq búgin izdestirý jasaqtarynyń arasynda ótken arnaıy baıqaýdyń jeńimpazdary anyqtalmaq.
Aıta keteıik, «Jas áskerı tehnık» kórmesi jáne izdestirý jasaqtary baıqaýy alǵashqy áskerı daıyndyq boıynsha dáris berip júrgen ustazdardyń qalalyq semınary aıasynda uıymdastyrylyp otyr.
