Astanada mektep oqýshylary arasynda «Shattan, Jeńisti kóktem!» atty ánder baıqaýy ótti
dep habarlaıdy QazAqparat.
M. Ótemisuly atyndaǵy Oqýshylar saraıynda bolǵan baıqaýǵa qalanyń 30-ǵa tarta mektepterinen jas jetkinshekter qatysty. «Soǵystan qaıtqan soldattar», «Jertólede», «Soǵys týraly ánder popýrıi» atty óleńder erekshe áserli boldy.
Qalalyq Bilim basqarmasynyń bastyǵy Ásıma Bımendınanyń aıtýynsha, Jeńistiń 65 jyldyǵyna oraı jasalyp jatqan sharanyń bastamashylary oqýshylardyń ózderi. «Oqýshylardan quralǵan «Jas jiger» balalar qozǵalysy Astanada Uly Otan soǵysynyń ardagerlerine arnalǵan «Kóktemniń shýaqty kúnderi» atty aktsııany bastaǵan bolatyn. Búgingi baıqaý atalmysh aktsııanyń sheńberinde uıymdastyrylǵan sharalardyń biri.
«Kóktemniń shýaqty kúnderi» aıasynda mektep qabyrǵasynan tys sporttyq jarystar, mýzykalyq baıqaýlar jáne kórkemsýret óneriniń týyndylary qoıylǵan kórmeler, semınarlar men sabaqtar, áskerı oıyndar uıymdastyrylady. Jyl boıyna balalardyń ardagerlerge arnaǵan kontsertteri udaıy ótip turady. Soǵysta ot keshken qarııalar men búgingi jas urpaqtyń «Estelik shyraǵy» jáne «Tarıhtyń tiri daýystary» atty kezdesýleri josparlanǵan.
