Astanada mektep oqýshylary arasynda «Kóshbasshy-2014» baıqaýy ótýde

«Daryn» respýblıkalyq ǵylymı-praktıkalyq ortalyǵy ótkizip otyrǵan zııatkerlik saıysqa qalanyń 10-11-synypta oqıtyn oqýshylary qatysýda.

"Bul baıqaý osydan úsh jyl buryn alash ret ótkizilgen. Alǵashqy sharanyń qatysýshylary sol kezde Aqordada Qazaqstan Prezıdentiniń qabyldaýynda boldy. "Kóshbasshy-2013" jeńimpazy Anglııada 1 aılyq oqýdan ótýge múmkindik aldy. Bıylǵy baıqaýǵa qalanyń barlyq mektepterinen oqýshylar qatysýda. Bunyń aldyndaǵy kezeńde 75 qatysýshy bolsa, búgingi aqtyq synda 15 oqýshy baqtaryn synaıdy", - deıdi «Daryn» respýblıkalyq ǵylymı-praktıkalyq ortalyǵynyń dırektory Sholpan Qırabaeva.

Aqyl men parasat, kóshbasshylyq pen zerektilik tarazyǵa salynatyn baıqaýdyń sharttary jeńil emes. Jyl saıyn ótkiziletin baıqaýdyń bıylǵy taqyryby Uly Otan soǵysyna arnalyp otyr.

"Birinshiden, "Kóshbasshy-2014" jeńimpazy memlekettik tildi bilýi tıis, orys jáne aǵylshyn tilderine de jetik bolýy shart. Qazaqstan tarıhyn da óte jaqsy meńgerýi mindetti. Memleket Basshysynyń kóptegen eńbekteri pen Joldaýlaryn oqyǵan bolýy tıis. Sonymen qatar, bıyl "Artymyzda Máskeý" shyǵarmasynan suraqtar qoıylady. Ártúrli ǵylymdardan saýaldar bolady. Jalpy bilim berý baǵdarlamasynan, sondaı-aq shahmat, sport, mýzykadan saıysýlary shart. Bul balanyń parasattylyǵyn, zeıinin, sportqa degen beıimdiligin, mýzykadan habaryn, kóshbasshylyǵyn anyqtaıtyn doda. Oqýshy kóp. Solardyń ishinen eń myqtysyn tańdaımyz", - dep atap ótti Sholpan Qırabaeva.