Astanada mektep oqýshylary arasynda D. Sádýaqasov kýbogi úshin VIII Respýblıkalyq shahmat týrnıri ótýde
ASTANA. 4 qarasha. QazAqparat - Daryndy balalardy anyqtaý men jas shahmatshylardy daıyndaý jáne mektep oqýshylary arasynda shahmat oıynyn joǵary deńgeıde nasıhattaý maqsatymen Qazaqstan Respýblıkasy Bilim jáne ǵylym mınıstrligi, «Daryn» respýblıkalyq ǵylymı-praktıkalyq ortalyǵy QR Shahmat Federatsııasynyń qoldaýymen Astana qalasynda ústimizdegi jyldyń qarasha aıynyń 3-i men 9-y aralyǵynda Halyqaralyq grossmeıster Dármen Sádýaqasov kýbogine mektep oqýshylary arasynda VIII Respýblıkalyq shahmat týrnırin ótkizýde.
Bul týraly QR BǴM-niń baspasóz qyzmetinen habarlady.
Shahmat týrnırine elimizdiń barlyq aımaqtarynan 140-tan astam jas shahmatshylar men Chelıabi oblysynyń Satka qalasynyń «Vertıkal» shahmat klýby qatysady.
Komandalar jas ereksheligine qaraı 9 jasqa deıingiler, 13 jasqa deıingiler jáne 17 jasqa deıingi úsh topta óz qatysýshylaryn usynady. Týrnır shveıtsarlyq júıe boıynsha 9 týrda ótedi. Tóreshiler alqasy ár jastaǵy toptyń er balalar men qyz balalarynyń arasynda jekeleı esepte jeńimpazdardy anyqtaıdy. Sonymen qatar komandanyń barlyq qatysýshylarynyń jınaǵan upaı sandarynyń jalpy esebi boıynsha eń úzdik shahmatshylar komandasyn anyqtaıdy.
Sonymen qatar týrnırge qatysýshylarǵa arnaıy mádenı-tanymdyq baǵdarlamalar usynylady.
Týrnır jeńimpazdaryn medaldar men «Daryn» RǴPO dıplomdarmen marapattaý 9 qarasha kúni jabylý rásiminde № 60 mektep -lıtseıinde ótedi.
