Astanada mektep oqýshylaryna arnalǵan «Bolashaq prokýrorlar klýby» ashyldy
ASTANA. KAZINFORM — «Zań jáne tártip» qaǵıdaty aıasynda elordanyń Saraıshyq aýdanyna qarasty 17 mektebinde Ótegen Seıitov atyndaǵy «Bolashaq prokýrorlar klýby» ashyldy. Onyń ashylý saltanaty № 73 fızıka-tehnıkalyq lıtseıinde ótti, dep habarlady elorda ákimdiginiń resmı saıty.
Іs-sharaǵa qalalyq bilim basqarmasy basshysynyń orynbasary Marjangúl Qaıyrbaeva, Saraıshyq aýdany prokýrorynyń orynbasary Baýyrjan Asqarov, memleket jáne qoǵam qaıratkeri, Astana qalasynyń bala quqyqtary jónindegi ýákili Ásıma Bımendına, L.N.Gýmılev atyndaǵy Eýrazııa ulttyq ýnıversıteti konstıtýtsııalyq jáne azamattyq quqyq kafedrasynyń professory Jamaladen Ibragımov jáne mektep dırektorlary, sala mamandary qatysty.
— Bul bastamany Bas prokýratýranyń «Zań jáne tártip» ıdeologııasyn ilgeriletý jónindegi memlekettik tujyrymdamasy aıasynda Ótegen Seıitov atyndaǵy «Bolashaq prokýrorlar klýby» júzege asyryldy. Bul rette Saraıshyq aýdandyq prokýratýrasy aýdanǵa qarasty 17 mektepten iriktelgen oqýshylar klýb múshesi bolyp saılandy. Bul — óskeleń urpaqtyń quqyqtyq saýattylyǵyn arttyrýǵa baǵyttalǵan mańyzdy bastama. Jobanyń negizgi maqsaty — oqýshylardyń zańǵa degen qurmetin qalyptastyrý, quqyqtyq bilimin tereńdetý jáne olardy tártipti, sanaly azamat etip tárbıeleý. Aıta ketý kerek, «Bolashaq prokýrorlar klýbyna» 7-11-synyp oqýshylary qatysady. Sonymen qatar bul bolashaq mamandyqty utymdy tańdaýǵa baǵyttalǵan múmkindik alańy bolyp sanalady, — dedi №73 fızıka-tehnıkalyq lıtseıiniń dırektory Gúlshat Kaltaeva.
«Bolashaq prokýrorlar klýbyna múshe» oqýshylar saltanatty túrde ulyqtaldy.
— Búgin biz tek bir klýbtyń ashylýyna emes, zań men ádildikke adal bolýdy maqsat etken jas býynnyń jaýapty tańdaýyna kýá bolyp otyrmyz. Ótegen Seıitov atyndaǵy «Bolashaq prokýrorlar klýby» elimizdiń erteńi — ádiletti, sanaly, zańǵa qurmetpen qaraıtyn azamattardy tárbıeleýge qyzmet etedi dep senemiz, — dedi Saraıshyq aýdany prokýrorynyń orynbasary Baýyrjan Asqarov.
Mamandardyń sózinshe, «Bolashaq prokýrorlar klýbynyń» jumysy tek mekteppen shektelmeıdi, bul — búgingi oqýshy men erteńgi zańger arasyndaǵy altyn kópir. Іs-shara barysynda №73 mektep-lıtseıi men L.N. Gýmılev atyndaǵy Eýrazııa ulttyq ýnıversıteti arasynda yntymaqtastyq memorandýmy jasaldy.
Budan buryn Oljas Bektenov elıtalyq mektepterge bıýdjetten qarjy bólýdi toqtatý kerek ekenin aıtty.
