Astanada mektep quraldary arzan baǵamen satylyp jatyr
ASTANA. QazAqparat - Búgin tańerteńnen bastap elordalyq ákimdiktiń alańynda mektep jármeńkesi ótýde. Atalmysh shara respýblıkalyq "Mektepke jol" aktsııasy aıasynda uıymdastyryldy, dep habarlaıdy ákimdiktiń resmı saıty.
Shara saǵat 17.00-ge deıin ótedi, qala turǵyndary mektep formasynan bastap oqýǵa qajetti kantselıarııalyq qural-jabdyqtardy satyp ala alady.
Jármeńkede otandyq taýaróndirýshilermen jasalǵan mektep formasynyń túr-túri satylýda. Baǵa bazardyń baǵasynan anaǵurlym tómen.
Kantselıarııalyq qural-jabdyqtar 10%-dan 50%-ǵa deıin, mektep formasy 10%-dan 20%-ǵa deıin, aıaq kıim 10%-dan 25%-ǵa deıin jeńildikpen satylýda.
Baǵanyń qymbattap ketpeýi maqsatynda ákimdikpen kúnde ári turaqty túrde baqylaý júrgizilýde.
Atap óteıik, qala turǵyndary jármeńke aıasynda tek mektepke qajetti qural-jabdyqtardy ǵana satyp almaı, sondaı-aq balalarmen demalystaryn ótkize alady.
Astanalyq ákimdikpen mádenı-saýyqtyrý baǵdarlama ázirlendi, oǵan qosa shyǵarmashylyq ujymdardyń kontserti jáne qýyrshaqtar teatrynyń qoıylymy qoıyldy.
Qazirgi ýaqytta jármeńkege baryp úlgergenderdiń sany 500 adam.
Tómende mektepke qajetti qural-jabdyqtardyń baǵasy kórsetilgen:
Taýardyń ataýy:
Jeıdeniń baǵasy (jármeńkede satylyp jatqan)-2500- 5000 teńge,
Uldar úshin kostıýmder (tolyq jıyntyq)- 4000 -14 000 teńge,
Kókirekshe -1000 teńge,
Rıýkzaktar- 2940 teńgeden bastap,
Juqa dápterler- 5 teńgeden,
Qalyń dápterler- 75 teńgeden bastap,
Kúndelik-250 teńge,
Albomdar-100 teńgeden bastap (12 bet),
Qalam-20 teńge,
Túrli-tústi qaǵazdar-200 teńge,
Plastılın (6 tústi)-200 teńge,
Bantıkter (2 dana)-600 teńge,
Penal-500 teńge.
