Astanada mektep ǵımaratyna «mına qoıǵan» Pavlodar oblysynyń týmasy ustaldy - ІІD
ASTANA. 17 qańtar. QazAqparat - Astanada mektep ǵımaratyna «mına qoıǵan» Pavlodar oblysynyń týmasy ustaldy, dep habarlady elordanyń ІІD baspasóz qyzmeti.
Oqıǵa ornyna polıtsııa, UQKD jáne TJD qyzmetkerleri shuǵyl jetti. Kınologtar men Astana qalasy ІІD «Arlan» arnaıy jasaǵy bólimderi mektep ǵımaratyn qarap shyqty. Jarylys qurylǵysy tabylmady.
Astana qalasy ІІD-niń ekstremızmmen kúres basqarmasynyń qyzmetkerleri shuǵyl qoldanǵan sharalar arqyly esh jerde jumys jasamaıtyn, 1993 jyly týylǵan Pavlodar oblysynyń týmasy ustaldy.
Ol buryn da qylmystyq jaýapkershilikke tartylǵan. Tergeý barysynda ol kinásin moıyndady. Qazirgi ýaqytta jas jigit Astana ІІD ýaqytsha oqshaýlaý abaqtysyna jabyldy.
Bul fakti boıynsha QR QK 1-bóliminiń 242-babymen qylmystyq is qozǵaldy. Tergeý amaldary júrgizilýde.
Astana qalasy ishki ister departamenti 2012 jyldan bastap lańkestik aktisi týraly kórineý jalǵan aqparat taratqandarǵa jaza eleýli túrde kúsheıtilgenin habarlaıdy. Eger buryn QK-tiń 242-babymen jaza retinde 200-den 500 AEK-ke deıin aıyppul tóleý nemese bir-eki jylǵa túzetý jumystaryna jiberý, nemese alty aıǵa tutqyndaý nemese eki jyldan aspaıtyn ýaqytqa túrmege salý qarastyrylǵan bolsa, endi osyndaı qylmys jasaǵany úshin sol mólsherde (ıaǵnı 809 myń teńgege deıin) aıyppul salý nemese 7 jylǵa deıin bas bostandyǵyn shekteý, nemese 6 jylǵa bas bostandyǵynan aıyrý kózdelgen.
