Astanada mektep garderobyndaǵy keptelis úshin dırektor qyzmetinen bosatyldy
ASTANA. KAZINFORM — Astanadaǵy mektepterdiń birinde oqýshylardyń kıim iletin jerde qysylyp qalǵany týraly vıdeo tarady. Osydan keıin mektep dırektory qyzmetinen bosatyldy.
Vıdeo Instagram jelisinde jarııalandy. Onda kıim iletin orynnyń aldynda kóp oqýshynyń bir mezette jınalǵanyn kórýge bolady. Vıdeo avtorlarynyń aıtýynsha, mundaı jaǵdaı únemi qaıtalanady. Sondaı-aq oqýshylardyń biri kópshiliktiń arasynda qysylyp, qulap, esinen tanyp qalǵany aıtylǵan.
Astanalyq Bilim basqarmasy málimetinshe, jaǵdaı ekinshi aýysymdaǵy sabaq kestesine baılanysty bolǵan. Bir ýaqytta jeti synyptyń sabaǵy aıaqtalyp, oqýshylar syrt kıimderin alýǵa toptasqan.
— Beınebaqylaý kameralaryndaǵy jazbalar tekserilip, oqýshynyń qulap, esinen tanyp qalǵany týraly aqparat rastalmady. Mektep dırektory qyzmetinen bosatyldy, — dep habarlady vedomstvo.
Oqıǵadan keıin mektepte kıim iletin jerde qyzmetkerlerdiń baqylaýy men kezekshiligi kúsheıtildi. Sonymen qatar oqýshylardyń qaýipsiz qozǵalysyn qamtamasyz etý úshin qosymsha sharalar qabyldanǵan.
Buǵan deıin ShQO-da balalardyń sapaly bilim alý quqyqtarynyń óreskel buzylǵany anyqtalǵan edi.
