Astanada medıtsına qyzmetkerlerine 90 mln teńge áleýmettik aýdarym, syıaqy tólenbegen

ASTANA. KAZINFORM – Elorda prokýratýrasy medıtsına qyzmetkerleriniń quqyǵyn qorǵady.

Astana qalasy Almaty aýdanynyń prokýratýrasy densaýlyq saqtaý uıymdarynda eńbek zańnamasynyń saqtalýyna taldaý júrgizdi.

Taldaý barysynda jumyskerlerdiń konstıtýtsııalyq quqyǵynyń buzylýy, ıaǵnı eńbekaqy men áleýmettik tólemderdi ýaqtyly tólemeý faktileri anyqtaldy.

Bas prokýratýra málimetinshe, medıtsına qyzmetkerlerine jalpy somasy 90 mln teńgeden asatyn mindetti zeınetaqy jáne áleýmettik aýdarymdar, sondaı-aq 15 mln teńgeden astam yntalandyrý syıaqy tólenbegeni anyqtaldy.

Qabyldanǵan prokýrorlyq den qoıý sharalary boıynsha bereshek tolyǵymen óteldi. Medıtsına qyzmetkerleriniń quqyqtary qalpyna keltirildi.

Kináli laýazymdy tulǵa tártiptik jaýapkershilikke tartyldy.

Buǵan deıin Atyraýda memlekettik balabaqsha qyzmetkerleri 3 aıdan beri jalaqy almaǵanyn jazǵan edik.