Astanada medıtsınalyq járdem sapasyn jaqsartý úshin Call-ortalyq pen «Densaýlyq dúńgirshekteri» ashylady
Budan basqa, «Densaýlyq dúńgirshekteri» jumys isteıtin bolady. Júrgiziletin osyndaı sharalar belsendi paıdalanylatyn shet memleketterdiń tájirıbesi halyqpen profılaktıkalyq jumystar júrgizý jáne salaýatty ómir salty máselelerine tartýdyń tıimdilikterin qýattaıdy. Dúńgirshekter qalanyń iri saýda ortalyqtarynda ornalasatyn bolady, onda qala turǵyndary dene salmaǵynyń ındeksin, qan qysymyn, temperatýrasyn ólshetip, dárigerdiń qabyldaýyna jazyla alady.
Sonymen qatar, №10 jedel medıtsınalyq járdemniń shaǵyn stansasyn ashý, qalanyń jańa bóliginde halyqaralyq standarttarǵa sáıkes keletin JMJ-niń ortalyq stansasyn salý jáne mashınalar parkin jańartý úshin sanıtarlyq 7 kólik satyp alý josparlanǵan.
Qalanyń pedıatrııalyq qyzmetin jetildirýge jáne qyzmetter spektrin keńeıtýge erekshe kóńil aýdarylady. Qazirgi ýaqytta 2014-2017 jyldary pedıatrııany damytý tujyrymdamasy ázirlenip jatyr. Taǵy da bir mańyzdy baǵyt - onkologııalyq qyzmetti damytý bolyp tabylady. Onyń aıasynda Gıýstav Rýssı atyndaǵy onkologııa ınstıtýtynyń mamandary Qazaqstannyń onkologtarymen birlese otyryp, jyl boıy emdeýdiń ınnovatsııalyq tehnologııalaryn engizetin bolady.
Bıyl medıtsına mekemeleri qyzmetkerleriniń ishinde 9 dáriger Ońtústik Koreıanyń klınıkalarynda oqý múmkindigine ıe boldy. Sondaı-aq, qalalyq emhanalarda praktıkalyq mashyqtardy jetildirý úshin otandyq jáne sheteldik mamandar brıgadalarynyń birlesken qyzmeti baǵdarlamalary engiziledi, al emhanalarda qurylǵan medıtsınalyq ýnıversıtetterdiń shaǵyn kafedralary dárigerlerdiń biliktiligin arttyrýǵa septigin tıgizbek.