Astanada Medıtsınalyq ýnıversıtet klınıkalarmen birlesken qyzmet týraly memorandýmǵa qol qoıdy
ASTANA. 29 qarasha. QazAqparat - Búgin Astanada «Salamatty Qazaqstan» densaýlyq saqtaý salasyn damytý memlekettik baǵdarlamasyn júzege asyrý aıasynda Astana ákimdigi, Ulttyq ǵylymı medıtsına ortalyǵy, travmotologııa jáne ortopedııa ǴZI men Astana medıtsına ýnıversıteti arasynda densaýlyq saqtaý jáne bilim salalaryndaǵy birlesken qyzmet týraly memorandýmǵa qol qoıyldy. Bul týraly elordanyń remı saıtynan habarlandy.
«Sońǵy 10 jylda densaýlyq saqtaý salasynda úzdiksiz reformalaý júrgizilýde, elimizde kóptegen ózgerister boldy. Birinshi memlekettik baǵdarlamany júzege asyrý barysynda 500-den astam aýrýhana salyndy, Astanada «Ulttyq medıtsına holdıngi» quryldy. Bul aýrýhanalardy qondyrǵylarmen jabdyqtaý jáne medıtsınalyq qyzmetter kórsetý múmkindikteriniń deńgeıi Batystyń ortalyqtarynan kem emes. Alǵa qoıǵan jahandyq mindetter 5 jylda densaýlyq saqtaý júıesinde osyndaı qýatty qurylym qurýǵa múmkindik berdi. Memleket basshysynyń tapsyrmasyna sáıkes, Sizder úshin Qazaqstannyń kez-kelgen klınıkasynyń esigi ashyq. Stýdent kezińizde, ınternatýrada júrgende osyndaı kez-kelgen ortalyqqa baryp, bul qondyrǵynyń jumysymen tanysa alasyzdar. Sebebi erteń siz onymen jumys isteısiz. Memleket basshysynyń tıisti sheshimine sáıkes, biz barlyq medıtsınalyq joǵary oqý oryndarynda osyndaı memorandýmdarǵa qol qoıyp jatyrmyz», - dedi QR Densaýlyq saqtaý vıtse-mınıstri Erik Baıjúnisov óz sózinde.
Aıta keteıik, medıtsınalyq JOO men Astana qalasynyń iri medıtsınalyq klınıkalarynyń ózara yntymaqtastyǵy medıtsınalyq bilimniń sapasyn arttyrýǵa jáne qala halqyna qyzmet kórsetý sapasyn jaqsartýǵa septigin tıgizedi.
«Memorandýmǵa qol qoıý - bul qalanyń medıtsınalyq mekemelerindegi kadrlar tapshylyǵy máselesin joıýǵa jasalǵan qadam. Qazirgi ýaqytta dárigerler tapshy, Ásirese tar mamandyq ıeleri - 100 astam dáriger jetispeıdi. Sondyqtan búgingi qujatqa qol qoıý - bul ózekti máselelerdi sheshýge jasalǵan mańyzdy qadam, atap aıtqanda, kadrlar tapshylyǵymen qosa, medıtsına qyzmetkerleriniń biliktiligin arttyrady, bul elordadaǵy, sáıkesinshe respýblıkamyzdaǵy medıtsınanyń deńgeıin kórsetedi», - dedi qala ákiminiń orynbasary Aıda Balaeva.
