Astanada medıtsınalyq mekemelerde júkti áıelderdi baqylaý kúsheıtiledi
ASTANA. 11 tamyz. QazAqparat - Astanada barlyq júkti áıelderge kún saıynǵy monıtorıng júrgizý boıynsha baqylaý kúsheıtiledi. Bul týraly astana.kz saıtyna elordalyq Densaýlyq saqtaý basqarmasynan habarlady.
Aldyn alýǵa bolatyn sebepterden ana men balanyń ólimin azaıtý máseleleri jónindegi aımaqtyq shtabta baqylaýdy kúsheıtý týraly naqty tapsyrmalar berildi.
«Otyrys qorytyndysy boıynsha júkti áıelder men qıyn jaǵdaıdaǵy balalardyń bárine kún saıyn monıtorıng júrgizýdi qamtamasyz etý boıynsha naqty tapsyrmalar berildi» delingen Basqarma aqparatynda.
Vedomstvonyń atap kórsetýinshe, medıtsınalyq mekemelerdiń birinshi basshylaryna fertıldi jastaǵy áıelderdiń densaýlyǵynan bala kóterýge qaıshy kórsetkishterdi anyqtaý boıynsha profılaktıkalyq tekserýdi baqylaýǵa alý, al tar mamandarǵa olardy somatıkalyq aýrýlardan emdeý sharalaryn júrgizý tapsyryldy.
