Astanada medıtsınalyq kómektiń artyqshylyqtary aıtyldy
ASTANA. QazAqparat - Mektep jasyndaǵy balalarǵa medıtsınalyq kómekti ıntegratsııalaý boıynsha Jol kartasy sheńberinde jáne mektep medıtsınasyn Densaýlyq saqtaý basqarmasynyń quzyretine ótkizý naýqanyna daıyndyq maqsatynda elordada «Oqýshylardyń densaýlyǵyn saqtaıyq!» keń kólemdi aktsııasy ótti. Oǵan mektep oqýshylary jáne olardyń ata-analary - 4000-nan astam tyńdaýshy qatysty.
Qala ákimdigi saıtynyń habarlaýnysha, aktsııa barysynda «Saý tamaqtaný alımentarlyq-táýeldi aýrýlardyń aldyn alý retinde», «Fastfýdtyń densaýlyqqa zııany týraly», «Oqýshynyń tamaqtanýy», «Gazdalǵan sýsyndardyń jáne energetıkterdiń qaýpi» taqyryptary talqylandy.
Aktsııa barysynda medıtsınalyq qyzmetkerler ata-analarǵa jáne oqýshylarǵa mektep medıtsınasyn Densaýlyq saqtaý basqarmasynyń quziretine berý oqýshylar densaýlyǵynyń jaǵdaıyn baqylaýǵa múmkindik beretinin aıtyp, túsindirý jumystaryn júrgizdi. Sondaı-aq, bul medıtsınalyq jáne dárigerlik qyzmetti ýaqytynda kórsetýge jaǵdaı jasaıdy. Jáne balalardy saýyqtyrýdyń qoljetimdiligi men ýaqyttylyǵynyń ózektiligin anyqtaýǵa, oqý protsesin saýatty uıymdastyrýǵa kómektesedi, balalardyń fızıkalyq densaýlyǵyn arttyrýǵa múmkindik berip, oqýshylardyń saý tamaqtanýyn qamtamasyz etedi.
Eske salsaq, mektep medıtsınasynyń bilim júıesinen densaýlyq saqtaý mekemesine ótýi 2017 jyly iske asady.
