Astanada medıtsına sapasy qalaı arttyrylýda
NUR-SULTAN. QazAqparat – Nur-Sultan qalasynyń ákimi Altaı Kólginov medıtsınalyq kómek sapasyn arttyrý baǵytynda atqarylyp jatqan jumystar jóninde aıtyp berdi, dep habarlaıdy QazAqparat.
Qaladaǵy birqatar aýrýhana jumysyn teksergen A.Kólginov, Instagram-paraqshasynda salany damytý baǵytyndaǵy jumystar jóninde málimet berdi.
Birinshi. Sheteldik taǵylymdama jáne oqýǵa granttar bólý
«Biliktilikti arttyrý úshin medıtsına qyzmetkerlerin shetelge taǵylymdamaǵa jiberemiz. Sonymen qatar rezıdentýrada dárigerlerdi tegin oqytýǵa granttar sanyn kóbeıttik. Mysaly, tek rezındentýraǵa 300-ge jýyq grant bólindi, bul – jarty mıllıard teńge.
Osy dárigerlerdi qalaǵa qajet mamandyqtar boıynsha oqytýǵa múmkindik beredi. Bul, sózsiz, medıtsınalyq kómek kórsetý sapasyn jaqsartýǵa, mamandardy tartýǵa yqpal etedi», - dedi ákim.
Ekinshi. Qadamdyq qoljetimdilik
«Memleket basshysynyń tapsyrmasy boıynsha medıtsınalyq nysandardyń qala turǵyndary úshin qoljetimdiligin arttyrý boıynsha júıeli jumys júrgizip jatyrmyz. Medıtsınalyq nysandardy qadamdyq qoljetimdilikpen qamtamasyz etý úshin «Úı mańyndaǵy dáriger« nysandaryn ashamyz. Ótken jyly 29 «úı mańyndaǵy dáriger« nysany ashyldy. Jańa turǵyn úı keshenderiniń birinshi qabattarynda áleýmettik nysandardy ashamyz: ońaltý ortalyqtary, medıtsınalyq ortalyqtar jáne taǵy basqasy», - dedi A.Kólginov.
Úshinshi. Medıtsınalyq mekemelerdiń jabdyqtalýy
«Medıtsınalyq mekemelerimizdi qajetti jabdyqtarmen tolyqtyrýdy jalǵastyramyz. Búgin birqatar aýrýhanalarǵa, sonyń ishinde akýsherlik bloktarǵa bardym. Bul bloktarda medıtsına qyzmetkerleri shala týǵan nárestelerdi de emdeıdi. Qazirgi ýaqytta kópbeıindi statsıonarlardaǵy barlyq akýsherlik bloktardyń jaraqtandyrylýy 90 paıyzdan astamǵa ulǵaıdy, sondaı-aq jaraqtandyrylý úlesin ulǵaıtýdy jalǵastyramyz», - dep atap ótedi astana basshysy.
Málim etilgendeı, búginde №2 kópbeıindi qalalyq aýrýhana aldyńǵy qatarly medıtsınalyq tehnıka óndirýshileriniń zamanaýı dıagnostıkalyq jáne emdeý jabdyqtarymen jabdyqtalǵan. Degenmen arnaıy tehnıkanyń tozýy da bar. Osy jyly qosymsha kompıýterlik tomograf (KT-apparat) jáne birinshi kezekte medıtsınalyq kómek kórsetý úshin qajetti jabdyqty qoıý josparlanǵan.
Tórtinshi. Jańa medıtsınalyq obektilerdi salý jáne qoldanystaǵylaryn jóndeý
«Qala halqynyń ósýin eskere otyryp, medıtsınalyq mekemelerdiń sanyn josparly túrde ulǵaıtý, qoldanystaǵy aýrýhanalar ǵımarattarynyń jaı-kúıin saqtaý qajet», - dedi ol.
«Qala halqynyń ósýin eskere otyryp, medıtsınalyq mekemelerdiń sanyn josparly túrde ulǵaıtý, qoldanystaǵy aýrýhanalar ǵımarattarynyń jaı-kúıin saqtaý qajet. Mysaly, 2-inshi qalalyq aýrýhanada jańa korpýs – qabyldaý-dıagnostıkalyq ortalyq salamyz. Onda halyqqa kompıýterlik tomografııa, MRT, angıografııa jáne ózge de qyzmet kórsetiledi. Sondaı-aq kelesi jyly jańa perınataldyq ortalyq salýdy josparlap otyrmyz.
1-shi kópbeıindi qalalyq aýrýhanaǵa keletin bolsaq, munda jóndeý jumystaryn júrgizýdi qarastyramyz. Ótken jyly qalanyń birqatar medıtsınalyq mekemeleri jóndeldi», - dedi A.Kólginov.
Besinshi. Jedel járdem
Qala basshysynyń aıtýynsha, naýqas pen aýrýhana arasyndaǵy baılanys – jedel járdem.
Medıtsınalyq kómek kórsetý sapasyn arttyrý úshin sońǵy eki jylda jedel járdem avtoparki eki eseden astamǵa artty. Bul, patsıentke kelý ýaqytyn qysqartyp qana qoımaı, dárigerlerdiń jumysyn edáýir jeńildetýge múmkindik bergen.
