Astanada medıtsına salasynyń ǵalymdary 1 mln. teńge grant aldy
ASTANA. 4 jeltoqsan. QazAqparat - Santo Member of Polpharma Group-tyń Ǵylymı qory medıtsına men farmatsııa salasyndaǵy ǵylymı zertteýdi júrgizý nemese ony aıaqtaý úshin Astana medıtsınalyq ýnıversıtetiniń eki ǵalymyna árqaısysy 1 mln. teńge bolatyn granttar tapsyrdy.
Santo Member of Polpharma Group Astana Medıtsınalyq ýnıversıtetiniń kelesheginen mol úmit kúttirip otyrǵan ǵalymdaryna qoldaý kórsetý maqsatynda «Akademııalyq baǵdarlamany» 2013 jyly qurdy jáne aǵymdaǵy jyly Astana ekonomıkalyq forýmynda atalǵan oqý ornymen qol qoıylǵan Memorandým aıasynda júzege asyrylýda.
«Atalǵan baǵdarlama memleket pen jekemenshiktiń densaýlyq saqtaý salasyndaǵy seriktestiginiń naqty dáleli bolyp tabylady jáne ol birinshi kezekte Qazaqstan azamattarynyń ómir súrý sapasy men olarǵa kórsetiletin medıtsınalyq qyzmetti jaqsartýǵa baǵyttalǵan. Biz otandyq ǵalymdardyń zertteý áleýetin damytýǵa aldaǵy ýaqytta da óz úlesimizdi qosýǵa nıettimiz», - dedi Santo Member of Polpharma Group-tyń bas dırektory Shahın Arslan.
Quramyna Qazaqstannyń belgili professorlary men ǵalymdary kirgen komıssııa grant laýreattaryn baǵalady. Baqylaý keńesine Petr Mıldner basshylyq etti jáne onyń quramyna «Polfarma» Ǵylymı qorynyń basshysy Bojenna Platos, SMPG bas dırektory Shahın Arslan jáne SMPG medıtsınalyq departamentiniń jetekshisi ıAroslav Býdach kirdi.
