Astanada medıa zańnamanyń ózekti máselelerine arnalǵan alqaly basqosý ótedi
ALMATY. 5 tamyz. QazAqparat /Erlik Erjanuly/ - Astanada tamyzdyń 11-12 kúnderi «Medıa zańnamanyń kókeıkesti máseleleri: baǵalaý, boljam, keleshek» degen taqyrypta dóńgelek ústel jıyny ótedi.
Qazaqstan Respýblıkasy Táýelsizdiginiń 20 jyldyǵyna arnalǵan bul sharany Qazaqstandaǵy Eýropa odaǵynyń qarjylaı qoldaýymen Qazaqstan gazet shyǵarýshylar qaýymdastyǵy uıymdastyryp otyr. Oǵan halyqaralyq jáne ulttyq quqyq qorǵaý ınstıtýttarynyń, memlekettik qurylymdardyń ókilderi men Qazaqstan, Qyrǵyzstan, Reseı, Grýzııa, Ýkraına jáne taǵy basqa da birqatar Eýropa elderiniń medıa-sarapshylary qatyspaq. Onda - Konstıtýtsııada kepildendirilgen sóz, shyǵarmashylyq jáne aqparat erkindigin qamtamasyz etý men júzege asyrý; BAQ týraly zańnamany buzǵan jýrnalıster men BAQ-tyń jaýapkershiligi máseleleri; Aqparat erkindigi sóz ben shyǵarmashylyq erkindiginiń bólinbes bólshegi retinde; Internet-resýrstardy quqyqtyq retteý; Baspa qyzmetin quqyqtyq retteý jáne taǵy basqa da birqatar máseleler jan-jaqty talqyǵa túsedi dep josparlanýda.
