Astanada maýsym aıynda 19 turǵyn úıge kúrdeli jóńdeý jumystary júrgiziledi

ASTANA. QazAqparat - 2014 jyly Astanada QR Turǵyn úı-kommýnaldyq sharýashylyǵyn jańǵyrtý baǵdarlamasyn júzege asyrý aıasynda 19 kópqabatty turǵyn úıdi kúrdeli jóndeýden ótkizý josparlanǵan, dep habarlaıdy ákimdik baspasóz qyzmetinen.

Onyń 9-y - «Almaty» aýdanyna tıesili, «Saryarqa» aýdanynda - 10 turǵyn úı josparǵa engen. Bul týraly Astana qalasy ákimi apparatynyń baspasóz qyzmetine Qala ómiri tirshiligin qamtamasyz etý jáne ınfraqurylymdy damytý bólimi málimdedi.

Qazirgi tańda barlyq turǵyn úı keshenderi turǵyndarymen ortaq jıyn ótkizilgen. Tehnıkalyq saraptaý aktileri jasalynyp, jobalyq-smetalyq qujattar bekitildi.

Sonymen qatar, «Órken qala» JShS baǵdarlamasyna sáıkes páter ıeleriniń qaıtarymdy qarjysyna Bógenbaı batyr kóshesindegi 21, 21-a jáne T.Bıgeldınov kóshesindegi 50-shi, Q.Rysqulbekov kóshesindegi 7-shi turǵyn úıdegi jolaýshylar lıftiniń qural-jabdyqtaryn aýystyrý boıynsha daıyndyq jumystary júrgiziledi.

Esterińizge sala keteıik, kommýnaldy júıelerdi jańǵyrtýǵa, turǵyn úılerdiń jylý-tehnıkalyq sıpatyn jaqsartýǵa jáne tıimdi menshik ıesin qalyptastyrýǵa baǵyttalǵan QR Turǵyn úı-kommýnaldyq sharýashylyǵyn jańǵyrtý baǵdarlamasy Astanada 2011 jyldan beri júzege asyrylyp keledi. Baǵdarlama boıynsha qaıtarymsyz negizde paıyzsyz memlekettik qarjylaı qoldaý kórsetiledi. ıAǵnı páter ıeleri «Astana - BEO» JShS arqyly aı saıynǵy tólemderin júzege asyrady. Turǵyndarǵa qaıtarylǵan qarjyny mamandandyrylǵan uıym «Órken qala» JShS basqa nysandardy jóndeýge paıdalanady.