Astanada máýlit merekesi atalyp ótedi
ASTANA. 24 aqpan. QazAqparat - Búgin Astanada sheıh Kúnta qajy atyndaǵy meshitte (Musa Jálel kóshesi, 93) máýlit merekesi ótkiziledi, dep habarlady «Báıterek» halyqaralyq medıa-ortalyǵy.
Merekege dindar jamaǵatpen birge qala meshitteriniń dinı ókilderi, Din isteri departamentiniń, Astana qalasy ishki saıasat basqarmasynyń, Qazaqstan halqy Assambleıasynyń jáne elordanyń etnomádenı ortalyqtarynyń ókilderi shaqyrylyp otyr.
Máýlit musylmandardyń toptasý jáne birigýi kúni. Máýlit - Muhammed paıǵambardyń týǵan kúni, sondyqtan da shara barysynda onyń adamgershil hadısterin ýaǵyzdaýǵa, joǵary adamgershil ómir jolyn zerdeleýge, dástúrli ıslamdy oqyp-úırenýge basa nazar aýdarylady.
