Astanada máslıhat depýtatynyń ókilettigi merziminen buryn toqtatyldy
ASTANA.KAZINFORM – Búgin elorda qalalyq máslıhatynyń kezekten tys 40-sessııasynda depýtat Erlan Erǵazyuly Dakenovtyń ókilettigin merziminen buryn toqtatý týraly sheshim qabyldandy.
Bul týraly Astana qalasynyń aýmaqtyq saılaý komıssııasynyń tóraǵasy Beısembaı Jumabekov baıandady.
– Qazaqstan Respýblıkasynyń «Jergilikti memlekettik basqarý jáne ózin-ózi basqarý týraly» Zańynyń 20-babynyń 3-tarmaǵynyń 1-tarmaqshasy jáne 4-tarmaǵyna sáıkes, depýtat Erlan Erǵazyuly Dakenovtiń ótinish hat berýine baılanysty, Astana qalasynyń aýmaqtyq saılaý komıssııasy 2025 jylǵy 14 shildede tıisti sheshim qabyldady. Sonymen qatar atalǵan depýtattyń ókilettigin merziminen buryn toqtatýǵa usynys engizildi, – dedi Beısembaı Qýanyshuly.
Osylaısha, sessııa barysynda osyǵan baılanysty qalalyq máslıhat depýtattary tıisti sheshim qabyldady.
Buǵan deıin, Qorǵanys mınıstrligi Aqparat jáne kommýnıkatsııalar departamentiniń bastyǵy aýysqanyn jazǵanbyz.