Astanada «maslenıtsa» atalyp ótti
Oǵan Reseı Federatsııasynyń Qazaqstandaǵy Tótenshe jáne Ókiletti Elshisi Mıhaıl Bocharnıkov qatysty. Sondaı-aq, elordadaǵy ulttyq mádenı ortalyqtar men qoǵamdyq birlestikter de óz úlesterin qosty.
«Maslenıtsanyń bir aptasy da áne-mine degenshe óte shyqty. Ózim Qazaqstanda jumys istep kele jatqan 7 jyldyń ishinde osy merekeni birde-bir ret jibergen emespin. Reseı medenıet ortalyǵy da bul merekeni toılaýdy jyl saıyn dástúrge aınaldyryp keledi. Buǵan tek slavıan halyqtary ǵana emes, elimizdegi 130 ulttyń barlyqtarynyń ókilderi keledi. Bul da bolsa elimizdegi ultaralyq tatýlyqtyń belgisi dep bilemin», - dedi M. Bocharnıkov.
Aıta keteıik, «Maslenıtsa» slavıan halyqtarynyń erteden kele jatqan qysty shyǵaryp salyp, kóktemdi qarsy alý merekesi. Ol jeti kúnge sozylady. Slavıandar osy jeti kúnniń ár kúnin túrlishe toılap ótkizedi. Bul mereke kezinde dámdi quımaqtar pisirilip, kórshiler bir-birin qonaqqa shaqyrady. Kóńildi án aıtylyp, bı bılenip, barlyǵy shat-shadyman bolady. Óıtkeni slavıandar «maslenıtsany» qalaı qarsy alsań, jyl boıy solaı júresiń degen ustanymdy ustaıdy.
