Astanada máskeýlik «Gjel» bı teatrynyń gala-kontserti ótti

«Astana» kontsert zalynda elordalyq kórermender «Gjel» Máskeý memlekettik akademııalyq bı teatrynyń shyǵarmashylyǵymen etene tanysty. Reseı astanasynyń bıshileriniń gala-kontserti eshkimdi de beı-jaı qaldyrmady.

1988 jyly tanymal reseılik baletmeıster, Reseı Halyq artısi Vladımır Zaharov qurǵan ansambl, búgin de, 25 jyl burynǵydaı, halyqtyń kórkemdik óneriniń uly shyǵarmalaryn keńinen dáriptep, damytýǵa úles qosyp keledi. Búgin dırektor Marına Kýklına men bas baletmeıster Valentına Slyhanova jetekshilik etken trýppa folklorlyq janrdyń áralýandylyǵyn - mysaldardy, salt-joralardy sheber qoldanyp júr, osylaısha Gjel, Paleh, Jostovo, Pavlov-Pasadtyq órnek jáne t.b. sekildi belgili qolóner jazbalaryn halyqqa jetkizýde.

Kesh júrgizýshileri Astana qalasy ákimdiginiń Memlekettik Akademııalyq fılarmonııasynyń artısi Gaýhar Erjanova jáne Reseı Halyq artısi Artem Kamınskıı boldy.

- Biz bul teatrdy qatty jaqsy kóremiz jáne ony maqtan tutamyz. Ol úzdik álemdik sahnalarda astanamyzdyń jáne memleketimizdiń namysyn abyroımen qorǵap júr, Reseı men TMD memleketterinde kóp ret kontsert bergen. Bul jaı ansambl emes, naǵyz teatr, - dep atap ótti Artem Kamınskıı «Gjel» teatrynyń ujymyn tanystyra otyryp.

Keremet bı elementterimen jasalǵan horeografııalyq qoıylym, oryndaýshylardyń artıstik sheberligi, jarqyn arnaıy effektilermen jáne ádemi kostıýmdermen tolyqtyrylǵan ǵajaıyp yrǵaq bastapqy mınýttardan bastap-aq kórermendi baýrap alady.

Bıshiler kópshilik nazaryna ejelgi orys halyq bılerin usyndy. Budan basqa, baǵdarlamaǵa kazak, belarýs, ýkraın jáne molodovalyq bıler engizildi. Óner ıeleriniń Astanaǵa jasaǵan taǵy bir syıy - dombyranyń súıemeleýimen oryndalǵan qazaqtyń ulttyq bıi boldy.

Bıshilerdiń ónerine tánti bolǵan kórermender uzaq qol shapalaqtap, ansambldi kópke deıin sahnadan jibermedi.

- Mundaı kontsertke barmaǵanyma kóp boldy, artısterdiń energııasy myqty, jasandy emes. Jaqsy áser alyp, demalyp qaıttym. Zalda jastardyń kóp bolǵany - qýantarlyq jaıt. Olar da qoıylymdardy tańyrqaı tamashalady. Artısterge myń alǵys! - dep Astana turǵyny Lıdııa Fedorovna óz áserimen bólisti.     

Dástúr boıynsha kontsert sońynda Astana qalasynyń ákimi Áset Isekeshevtiń atynan teatr ujymyna gúl tartý etildi.