Astanada Máskeý memlekettik halyqaralyq qatynastar ýnıversıtetiniń fılıaly ashylady

ASTANA. KAZINFORM – Astanada Máskeý memlekettik halyqaralyq qatynastar ýnıversıtetiniń fılıaly ashylady. Bul týraly Aqordada Reseı prezıdenti Vladımır Pýtınmen kelissózderdiń qorytyndysyna oraı ótken brıfıngte Memleket basshysy Qasym-Jomart Toqaev aıtty.

«Bilim berý salasyndaǵy yntymaqtastyq únemi artyp keledi. Reseılik joǵary oqý oryndarynda 60 myńnan astam qazaqstandyq stýdent oqıdy. Bul reseılik bilim berý standartyna suranys pen eki eldiń bilim men tájirıbeni jan-jaqty almasýǵa múddeli ekendigin bildiredi», - dedi Prezıdent.

Memleket basshysy buǵan deıin qol jetkizilgen ýaǵdalastyqtyń nátıjesinde Qazaqstanda reseılik jetekshi tehnıkalyq bilim berý mekemeleriniń 7 fılıaly ashylǵanyn atap ótti. 

«Taıaý ýaqytta Astanada Máskeý memlekettik halyqaralyq qatynastar ýnıversıtetiniń fılaly esigin ashady. Búgin Omby qalasynda ál-Farabı atyndaǵy Qazaq ulttyq ýnıversıtetiniń fılıaly ashyldy. Ol Reseıdegi Qazaqstan joǵary oqý oryndarynyń birinshi ókildigine vınalady. Sonymen qatar Reseıdiń shekaramańy ókirlerinde Qazaqstan mektepterin, Qazaqstan aýmaǵynda Reseıdiń qatysýmen mektep salý keleshegi talqylanyp jatyr. Sóz Jambyl, Qyzylorda jáne Túrkistan oblystary jaıynda bolyp otyr. Munyń bári bilim berý baılanystaryn nyǵaıtýǵa múmkindik berip, eki eldiń óskeleń urpaǵyna jańa múmkindikter usynady», - dedi Qasym-Jomart Toqaev.