Astanada maska taqpaǵan 1,6 myń adam avtobýstan túsirildi

NUR-SULTAN. QazAqparat - Elordada jyl basynan beri qoǵamdyq kólikte maska taqpaǵan 5 myńnan astam adam anyqtaldy, dep habarlaıdy QazAqparat qala ákimdiginiń resmı saıtyna silteme jasap.

Nur-Sultan qalasynyń Bas memlekettik sanıtarlyq dárigeriniń qaýlysyna sáıkes búginde qoǵamdyq kólikte betperde taǵý rejımi qoldanylady.

Kóliktik baqylaý departamentiniń qyzmetkerleri jolaýshylardyń avtobýstarda betperde taǵýyn kúndelikti tekseredi.

Ókinishke qaraı̆, maska taqpaıtyn, taǵýdan bas tartatyn jolaýshylar kezdesedi.

Jyl basynan beri Kóliktik baqylaý departamentiniń qyzmetkerleri bas sanıtarlyq dárigerdiń qaýlysyn buzǵan 5 myńnan astam jolaýshyny anyqtady. 1665 adam avtobýstan túsirildi.

«Qurmetti jolaýshylar, qoǵamdyq kólikte betperde taǵý rejımin saqtaý týraly taǵy da eskertemiz. Jol aqysy tek qolma-qol aqshasyz tólenedi», — delingen departament habarlamasynda.