Astanada masa men shybyn-shirkeıdi joıý jumystary jalǵasýda
NUR-SULTAN. QazAqparat - «Qorshaǵan ortany qorǵaý jáne tabıǵatty paıdalaný basqarmasy» MM merdigerlik uıymy «Astanalyq dezınfektsııa» JShS elordada shybyn-shirkeımen kúres jumystaryn jalǵastyrýda, dep habarlaıdy QazAqparat.
Qala ákimdiginiń resmı saıtynda málim etilgendeı, ashyq statsııalardaǵy dezınsektsııalyq is-sharalar elordanyń ortalyǵynan bastap, shetki aımaqtarǵa deıin júrgiziledi.
«Qalanyń shet aımaqtarynan masalar men shirkeılerdiń jappaı ushyp kelýine jol bermeý maqsatynda elorda mańyndaǵy qorǵanys tosqaýyldary turaqty negizde júrgiziledi. Óńdeý jumystary mamandandyrylǵan dezınfektsııalyq mashınalar men termogeneratorlardyń kómegimen, hlorpırıfos jáne malatıon belsendi zatymen FOQ (fosfor organıkalyq qosylystar) klasynyń ınsektıtsıdtik preparattaryn qoldaný arqyly júzege asyrylady.
Aıta ketý kerek, qaýipsizdik sharalaryn saqtaý kezinde bul preparattar adamdar men janýarlarǵa qaýip tóndirmeıdi.
Jumystar belgilengen merzimder boıynsha júrgizilýde», - delingen aqparatta.
