Astanada masa men shirkeıge qarsy dezınsektsııalyq jumys júrip jatyr
ASTANA.KAZINFORM — Kún raıy jylynǵan ýaqyttan bastap Astana qalasynyń qorshaǵan ortany qorǵaý jáne tabıǵatty paıdalaný basqarmasy sý aıdyndary men sýly-batpaqty jerlerde masalardyń dernásildik formasynyń bolýyna tekserý júrgizedi, is-sharalar ǵylymı súıemeldeý arqyly ótkiziledi, dep habarlaıdy elorda ákimdiginiń resmı saıty.
Ǵylymı súıemeldeýdiń maqsaty – masalardyń dernásildik formasynyń damýynyń kezeńderin anyqtaı otyryp, barlyq ýaqytsha jáne turaqty sý aıdyndaryn zertteý, olardyń oryndaryn belsendi izdeý, sondaı-aq sý aıdyndarynan jappaı ushyp ketýdi boldyrmaý úshin dezınsektsııalyq óńdeýlerdi júrgizý ýaqytyn anyqtaý. Bul óz kezeginde olardyń damýynyń erte satysynda kúresýge múmkindik beredi.
Sonymen qatar, saıabaqtarda, skverlerde, turǵyn alaptarda is-sharalar júzege asyrylatyn bolady.
Elordada alty týr arqyly shirkeıler men masalarǵa qarsy dezınsektsııalyq jumys júrgizilip jatyr. Óńdeý 22 sáýirden qyrkúıekke deıin jalǵasady. Maýsym boıy is-sharalar saǵat 21.00-den taǵy 04.00-ge deıin ótkiziledi.
Elorda turǵyndary men qonaqtary osy ýaqytta saqtyq sharalaryn saqtaýy mańyzdy:
- Óńdeletin oryndarǵa barmaý;
- Óńdeý kezinde úıdiń terezelerin jabý.
Bul dezınsektsııalyq sharalar jándikterdi tolyq joıýǵa emes, sanyn azaıtýǵa baǵyttalǵan, óıtkeni olar tabıǵı ekojúıeniń ajyramas bóligi bolyp sanalady.
Qala aýmaǵynda dezınsektsııalyq jumys júrgizý úshin mehanıkalyq rotorly búrikkishter, dezınsektsııalyq mashınalar, qamysy qalyń qol jetpeıtin jerlerdi óńdeýge arnalǵan kvadrokopterler, al úlken sý aıdyndarynda arnaıy jabdyqtalǵan qaıyq paıdalanylatyn bolady.
Sondaı-aq, bıyl sý aıdyndaryndaǵy dernásildik kezeńge qarsy dezınsektsııalyq is-sharalar úshin faýna men flora úshin zııansyz bıologııalyq preparattar paıdalanylatynyn atap ótken jón.
Aýqymdy óńdeý barysynda basqarýshy kompanııalar, PIK, MIB (turǵyn úı qorynyń obektilerine qyzmet kórsetetin), bilim berý, densaýlyq saqtaý, mádenıet, sport, qurylys nysandary, bazarlar, saýda úıleri jáne basqalar jertóle úı-jaılaryn abattandyrý jáne qurǵatý jáne olardy dezınsektsııalyq óńdeý is-sharalaryna qosylýy qajet.
Aıta keteıik, Astanada jylytý maýsymy aıaqtaldy.