Astanada mas kúıinde kólik júrgizgen sýdıa qyzmetinen bosatyldy

ASTANA.KAZINFORM - Joǵary Sot Keńesi janyndaǵy Sot jıýrıi Astana qalalyq azamattyq ister jónindegi aýdanaralyq sotynyń sýdıasy Ásel Dosaevany mas kúıinde kólik júrgizgeni úshin qyzmetinen bosatý týraly sheshim qabyldady.

Sot jıýrıi barlyǵy 10 sýdıaǵa qatysty 11 tártiptik isti qarady.

— Joǵarǵy Sot Keńesi Sot jıýrıiniń 2026 jylǵy 22 qańtardaǵy sheshimimen Astana qalalyq azamattyq ister jónindegi aýdanaralyq sotynyń sýdıasy Á.K.Dosaeva sýdıalyq etıka normalaryn buzǵany úshin sýdıalyq qyzmetinen bosatý jazasymen tártiptik jazaǵa tartyldy, - dep habarlady baspasóz qyzmeti.

Esterińizge sala keteıik, qarasha aıynyń basynda Astanada túngi reıd kezinde polıtsııa Astana qalalyq azamattyq ister jónindegi aýdanaralyq sotynyń sýdıasy mas kúıinde júrgizgen kólikti toqtatty. Oǵan qatysty tergeý bastaldy.

Sol kezde qalalyq sottyń baspasóz qyzmeti sýdıalardyń erekshe quqyqtyq mártebesine qaramastan, sýdıalyq mindetteri men zańdy buzý áreketi jazasyz qalmaıtynyn habarlady.

12 qarashada Bas prokýratýra sýdıa Ásel Dosaevany mas kúıinde kólik júrgizgeni úshin qylmystyq jaýapkershilikke tartý týraly Qazaqstan Prezıdentine usynys engizdi.