Astanada mas kúıinde jol apatyn jasaǵan polıtseı jumystan qýyldy
ASTANA. QazAqparat - Astanada mas kúıde jol-kólik apatyn jasaǵan polıtsııa qyzmetkeri ishki ister organdarynan jumystan shyǵaryldy. Bul týraly qalalyq polıtsııa departamentinen málim etti, dep habarlaıdy QazAqparat tilshisi.
Aıta keterligi, áleýmettik jelige «Orbıta» dúkeni mańynda mas polıtsııa qyzmetkeriniń jol-kólik apatyn jasaǵany týraly vıdeo taraǵan bolatyn.
«Jol-kólik apatyn jasaǵany úshin onyń ústinen 608-bapqa (mas kúıde avtokólikti basqarý) sáıkes ákimshilik materıal toltyryldy. Sonymen qatar, bólimshe basshysy da tártiptik jazaǵa tartyldy», - delingen Astana qalalyq polıtsııa departamenti taratqan aqparatta.
Sonymen qatar, departamenttegiler jol-patrýl polıtsııa polkiniń qyzmetkeri teris qylyqtary úshin jumystan shyǵarylǵandyǵyn atap ótken.
