Astanada mas kúıinde rólge otyrǵan 30 júrgizýshi ustaldy
Qalalyq polıtsııa departamentiniń málimetinshe, is-shara maqsaty - jol-kólik oqıǵalarynyń aldyn alyp, jol qozǵalysy erejeleriniń apattylyq deńgeıine tikeleı áser etetin zańbuzýshylyqtardy anyqtaý, jolyn kesý, sondaı-aq qoǵamdyq tártipti saqtaýdy qamtamasyz etý. Naýqan barysynda kólikti mas kúıinde júrgizetin tulǵalardy anyqtaý úshin adam kóp júretin aýmaqtarda jáne demalys oryndarynda, oıyn-saýyq mekemeleri men basqa da qoǵamdyq oryndarda patrýldeý uıymdastyryldy.
«Jedel aldyn alý is-sharasynyń 3 kúndik qorytyndysy boıynsha, 250-den astam quqyqbuzýshylyqtar anyqtaldy. Onyń ishinde, 30 júrgizýshiniń kólik quralyn masań kúıde júrgizgeni belgili boldy. 70-ke jýyq júrgizýshi jol belgilerimen kórsetilgen talaptardy saqtamaǵan, 100-den astam astanalyq kólik quraldaryn paıdalaný qaǵıdalaryn buzǵan. 15 shaqty júrgizýshi kólikti tıisti qujatsyz basqarǵan» delingen habarlamada.