Astanada mas kúıinde kólik júrgizgen 40 azamatqa úkim shyǵyp, 1 adamǵa izdeý jarııalandy
ASTANA. QazAqparat - Jyl basynan beri Astana qalasynda kólikti mas kúıinde júrgizgen 69 azamat ustalǵan. Bul týraly búgin Astana qalalyq prokýratýrasynda ótken brıfıngte qalalyq prokýror kómekshisi, 2-shi basqarma basshysy Rýslan Aıtymov málim etti.
Onyń aıtýynsha, kólikti mas kúıinde júrgizý faktileri boıynsha 40 azamatqa qatysty úkim shyǵyp, bir adamǵa izdeý jarııalanǵan. Sonymen qatar, atalǵan faktiler boıynsha bıýdjetke 3 mln 240 myń 570 teńge óndirildi.
«Atap óterlik jaıt, buryn mas kúıinde kólik júrgizgen azamattar Ákimshilik quqyq buzýshylyq kodeksiniń 467 jáne 475-baptary boıynsha jazaǵa tartylatyn. 2015 jyldyń 1 qańtarynan bastap mas kúıinde kólik júrgizý qylmystyq jaýapkershilikti kózdeıdi. ıAǵnı, mas kúıinde kólik júrgizý ákimshilik jaýapkershilik satysynan qylmystyq jaýapkershilikke aýystyryldy», - dedi R.Aıtymov.
Onyń túsindirýine qaraǵanda, endigi kúni kólik júrgizý quqyǵynan aıyrylǵanyna qaramastan, sonymen qatar, mas kúıinde nemese esirtki paıdalanyp kólik júrgizgen azamattar úsh jyl merzimge belgili bir laýazymdy qyzmet atqarý quqyǵynan shekteledi jáne 90 táýlikke deıin qamaýǵa alynýy múmkin.
