Astanada mas kólik júrgizýshiniń kesirinen 10 jasar qyz qyrshyn ketti
ASTANA. QazAqparat - Astanada mas júrgizýshisiniń kesirinen 10 jasar qyz mert boldy. Kólik apaty búgin tańǵy segizder shamasynda bolǵan, dep habarlady elordanyń ІІD baspasóz qyzmetinen.
«Atalǵan oqıǵa Jeltoqsan kóshesi men Abaı dańǵylynyń qıylysynda oryn alǵan. Inkassatorlyq mashınanyń júrgizýshisi baǵdarshamnyń ruqsat etilmegen belgisine shyǵyp, Toyota RAV 4 avtokóligimen soǵyldy. JKO saldarynan oqıǵa ornynda Toyota RAV 4 kóliginiń artqy jolaýshylar ornynda otyrǵan 10 jasar qyz mert boldy», - dep habarlady baspasóz qyzmetinen. Qazir júrgizýshiden jaýap alynýda. QR QK 296-babynyń 2-bóligi boıynsha qylmystyq is qozǵaldy. Barlyq qajetti saraptamalar júrgizilýde.
