Astanada marshrýttyq avtobýstyń jol apatyna ushyraýyna baılanysty anyqtaý jumystary júrgizilýde
ASTANA. QazAqparat - Keshe qalanyń Qonaev dańǵyly boıynda №10 marshrýttyq avtobýsymen bolǵan jol-kólik oqıǵasy boıynsha anyqtaý jumystary júrgizilip, tıisti saraptamalar taǵaıyndaldy, dep habarlaıdy Astana ІІD-niń baspasóz qyzmetinen.
«19 shildede Qonaev dańǵyly boıynda oryn alǵan jol-kólik oqıǵasy boıynsha Astana qalasy ІІD ákimshilik polıtsııa basqarmasynyń qyzmetkerlerimen anyqtaý jumystary júrgizilip, osynyń aıasynda tıisti saraptamalar taǵaıyndalýda», delingen habarlamada.
Dárigerlerdiń kómegine túrli dene jaraqattarymen 20 shaqty adam júgingen, tórt adam, onyń ishinde júrgizýshi de medıtsınalyq mekemelerge jatqyzylǵan. Eske sala keteıik, 19 shilde kúni elordada №10 marshrýttyq avtobýsy Medıaortalyqtyń qarsy betinde ornalasqan avtobýs aıaldamasyna shyǵyp ketken, sodan keıin 100-150 metrdeı júrip, trotýarǵa shyqqanda kóshe dekoratsııasyna soǵylǵan.
