Astanada marshrýttyq avtobýs ushyraǵan jol apatynda 25-30 adam zardap shekti. Oqıǵanyń anyq-qanyǵy
ASTANA. QazAqparat - Astana ІІD ákimshilik polıtsııasy Astananyń sol jaǵalaýynda №10 marshrýttyq avtobýsymen bolǵan iri jol-kólik apatynyń anyq-qanyǵy jaıly habarlady.
«Avtobýs júrgizýshisi Igor Kobzev, 1964 j. t., Medıaortalyqtyń qarsy betinde ornalasqan avtobýs aıaldamasyna shyǵyp ketken, sodan keıin100-150 metrdeı júrip, trotýarǵa shyqqan da kóshe dekoratsııasyna soǵylǵan. Júrgizýshiniń aıtýynsha, kózi birden qaraýytyp ketken.
Ol jumysyn tańǵy 5.30-da bastaǵan, onyń aldynda dárigerlik tekserýden ótken. Mashınany mehanıkter teksergen, kólikte kinárat bolmaǵan»,-dep habarlady QazAqparat tilshisine Astana ІІD ákimshilik polıtsııasy basqarmasy basshysynyń orynbasary Eljan Chýpekov.
E.Chýpekovtyń aıtýynsha, shamamen 25-30 adam zardap shekken, olardyń 4-5-eýiniń aıaq-qoldary synǵan.
