Astanada marqum bolǵan jáne qalada turmaıtyn adamdardy emhanaǵa tirkep qoıǵan
ASTANA. QazAqparat - Astanada qalasy Saryarqa aýdanynyń prokýratýrasy densaýlyq saqtaý uıymdarynyń qyzmetine tekserý júrgizdi. Sonyń barysynda emhanalardyń qala aýmaǵynda turmaıtyn azamattardy, sondaı-aq qaıtys bolǵan adamdardy negizsiz tirkegeni anyqtaldy, dep habarlaıdy QazAqparat.
Prokýrorlar patsıentterdiń mindetti skrınıngten jáne balalardyń profılaktıkalyq tekserýden ótpeýi, sozylmaly aýrýy bar patsıentterge dári-dármekti ýaqtyly jetkizbeý faktilerin anyqtady.
Tekserý nátıjesi boıynsha prokýrorlyq qadaǵalaý aktileri engizildi.
12,5 myńnan astam azamattyń quqyǵy qorǵaldy.
Kináli tulǵalar tártiptik jaýapkershilikke tartyldy.
