Astanada marafon kezinde kólik qozǵalysy shekteledi
ASTANA. QazAqparat - Astanada qysqy marafon kezinde birqatar kóshede kólik qozǵalysy shekteledi, dep habarlaıdy QazAqparat Elorda Infoǵa silteme jasap.
Astana qalasynda «Astana Winter Marathon» ІІ qysqy marafonynyń ótkizilýine baılanysty (5, 10, 21 jáne 42 shaqyrym) 23 jeltoqsanda saǵat 08:00-den bastap 13:00-ge deıingi aralyqta júgirý baǵytyndaǵy kóshelerde kólik qozǵalysy tolyqtaı shekteledi.
Qalalyq PD Ákimshilik polıtsııa basqarmasy kólik keptelisin boldyrmaý úshin jabyq ýchaskeni aınalyp ótýdi jáne basqa ashyq joldardy paıdalanýdy usynady. Bul A.Baıtursynov kóshesi (R.Qoshqarbaev dańǵylynan bastap T.Júrgenov kóshesine deıingi aralyq) jáne Q.Amanjolov kóshesi, Sarykól kóshesi jáne Táýelsizdik dańǵylymen qıylystary jabyq bolady.
Sonymen qatar, is-sharany ótkizý kezeńinde R.Qoshqarbaev dańǵyly, J.Nájimedenov kóshesi jáne Sh.Qaldaıaqov kóshesiniń boıynda júk kólikteriniń qozǵalysy tolyq shekteletin bolady.
Sonymen qatar, qoǵamdyq kólik baǵyttarynyń qozǵalys syzbasy ýaqytsha ózgertiletin bolady (avtobýstar J.Nájimedenov kóshesi jáne R.Qoshqarbaev dańǵylymen júredi).
