Astanada Máńgilik El dańǵyly men Qonaev kóshesiniń qıylysy ýaqytsha jabylady
ASTANA. KAZINFORM – Elordada Máńgilik El dańǵyly men Dinmuhamed Qonaev kóshesiniń qıylysynda jol jóndeý jumystary júrgiziledi, dep habarlaıdy Astana qalasynyń Kólik jáne jol-kólik ınfraqurylymyn damytý basqarmasy.
Osyǵan baılanysty 11 jáne 12 shilde kúnderi atalǵan jol ýchaskesinde kólik qozǵalysy ishinara shekteledi.
- Júrgizýshiler men jaıaý júrginshilerge baǵyttaryn aldyn ala josparlap, qozǵalysty uıymdastyrýdaǵy ýaqytsha ózgeristerdi eskerý usynylady, - delingen aqparatta.
Qaýipsizdikti qamtamasyz etý jáne qolaısyzdyqty azaıtý maqsatynda jóndeý júrgiziletin aýmaqta ýaqytsha jol belgileri men kórsetkishter ornatylady.
Aıta keteıik, Almatyda qubyrdy aýystyrý jumystaryna baılanysty bir kóshede jol jabylady.
