Astanada Máńgilik el–Saraıshyq qıylysyndaǵy jol bóligi jóndeýge jabylady

ASTANA. QazAqparat – Astana qalasynda Máńgilik el dańǵyly men Saraıshyq kóshesiniń qıylysyndaǵy jol aıyryǵynan M1 kópirine túsetin joldyń oń jaq bóligine jóndeý bastaldy. QazAqparat bul týraly «109» qyzmetine silteme jasap habarlaıdy.

Málim etilgendeı, jol tósemine orta jóndeý júrgiziledi. Osyǵan baılanysty 16-31 tamyz aralyǵynda kórsetilgen ýchaskede kólik quraldary úshin qozǵalysqa tolyǵymen tyıym salynady.

«Elorda turǵyndary men qonaqtarynan keptelis jaǵdaılaryn boldyrmaý úshin óz marshrýtyn aldyn ala josparlaýdy suraımyz», - delingen aqparatta.