Astanada «Máńgilik el muraty jáne Er Jánibek» atty ǵylymı-tájirıbelik konferentsııa ótti
Jońǵar shapqynshylyǵy tusynda qol bastaǵan, qazaqtyń ataqty batyrlarynyń biri Er Jánibek Berdáýletulynyń tarıhtaǵy erlik izderimen, únegeli ómirin zerdelegen ǵylymı konferentsııa sózin Aqushtap Baqtykereeva jazǵan, Jolaman Tursynbaevtyń «Er Jánibek-uranym!» ánimen ashyldy.
Halyqaralyq deńgeıde ótip otyrǵan konferentsııaǵa qazaqstandyq jáne shetelden kelgen qonaqtar men ǵalymdar qatysty.
Jıyn basynda Prarlament Májilisiniń tóraǵasy Qabıbolla Jaqypov, Aqmola oblysynyń ákimi Sergeı Kýlagın, «Aq jol» demokratııalyq partııasynyń tóraǵasy Azat Perýashevtiń osy alqaly bas qosýǵa arnalǵan arnaıy quttyqtaýlary oqyldy.
Konferentsııada fılologııa ǵylymdarynyń doktory, professor Tursynbek Kákishev, Shoqan Ýálıhanov atyndaǵy Tarıh jáne etnologııa ınstıtýtynyń dırektory, tarıh ǵylymdarynyń doktory, professor Hankeldi Ábjanov, tarıh ǵylymdarynyń doktory Ahmet Toqtabaı, fılologııa ǵylymdarynyń doktory, jazýshy Tursyn Jurtbaı, QHR memlekettik syılyǵynyń ıegeri, jazýshy Shámis Qumaruly syndy jazýshylar men zertteýshiler qazaq jerin Jońǵar shapqynshylyǵynan qorǵaý jolynda eren erlik kórsetken bahadúr batyr Er Jánibektiń ulaǵatty ómir joly men 18 ǵasyrdaǵy tarıhı kezeń jaıly ǵylymı negizdelgen baıandamalaryn ortaǵa saldy.