Astanada «Máńgilik el» halyqaralyq konferentsııasynda otandyq jáne sheteldik ǵalymdar bas qosady

ASTANA. QazAqparat - Elordada 11 qyrkúıekte Qazaq handyǵynyń qurylýynyń 550 jyldyǵyna arnalǵan «Máńgilik el» atty halyqaralyq ǵylymı-praktıkalyq konferentsııasy ótedi, dep habarlaıdy QR Bilim jáne ǵylym mınıstrliginiń Ǵylym komıtetinen.

Konferentsııa jumysyna otandyq jáne sheteldik jetekshi ǵalymdar qatysady.

Nazarbaev ýnıversıtetinde ótetin jıynda Qazaq handyǵynyń qazaq halqy men onyń memlekettiligindegi róli men mańyzyn, onyń qazirgi Qazaqstan halqynyń ulttyq biregeıliginiń qalyptasýyna áserin ǵylymı negizde kórsetýge baǵyttalǵan. Konferentsııa barysynda «Máńgilik el» jańa jalpyulttyq ıdeıasy aıasynda Qazaqstan Respýblıkasy halqynyń joǵary adamgershilik murattaryn bolashaq urpaq úshin saqtaý máselelerin qarastyrý kózdelgen. Aıtýly sharada «Qazaq handyǵy jáne Máńgilik el: teorııa jáne praktıka», «Qazaq memlekettiliginń genezısi: bastaýlarynan - qazirgi zamanǵa deıin», «Qazaq quqyǵy men bıler sotynyń tóreligi - qazaq memlekettiliginiń fenomeni», «Táýelsiz Qazaqstannyń qazirgi álemdegi orny» taqyryptary qamtylmaq.