Astanada mamyr aıynda Azııa Damý bankiniń jyl saıynǵy otyrysy ótedi
ASTANA. QazAqparat - Astanada mamyrdyń 2-5 aralyǵynda halyqaralyq qarjy naryǵynyń mańyzdy oqıǵasy - Azııa Damý bankiniń basqarýshylary Keńesiniń 47-shi májilisi ótedi, dep habarlaıdy QR Syrtqy ister mınıstrliginiń baspasóz qyzmeti.
Qazaqstan atynan ADB basqarýshy dırektory, QR ekonomıka jáne bıýdjettik josparlaý mınıstri Erbolat Dosaev májiliste tóraǵa retinde sóz sóıleıdi dep kútilýde.
«ADB Qazaqstan ekonomıkasyn modernızatsııalaýda jáne elimizdiń áleýmettik jobalaryn iske asyrýda úlken úles qosyp, demeý berip jatyr, bizde Azııa Damý Bankimen seriktestikti mańyzdy dep esepteımiz», - dep atap ótti óz sózinde E. Dosaev.
Esterińizge salyp óteıik, 2013 jyly ótken ADB basqarýshylarynyń jyl saıynǵy kezekti májilisinde, Úndistan Qazaqstanǵa, 2014 jylǵy ADB Basqarýshylary Keńesi májilisiniń Tóraǵalyq laýazymyn resmı túrde tabystady. Alpys jeti qatysýshy el óz daýystaryn birińǵaı Qazaqstan úshin berdi.
Májiliste qarastyrylatyn ózekti taqyryptardyń biri - qazirgi Qazaqstannyń ınvestıtsııalyq jaǵdaıy. Májilis sheńberinde, alǵash ret «Invest in Kazakhstan» atty Halyqaralyq ınvestıtsııalyq konferentsııa uıymdastyrylady, ADB 47-shi jyl saıynǵy otyrysynyń uıymdastyrýshy komıtetinde habarlady. Otyrysta - saıasatkerler, bıznes qaýymdastyq, Eýropa jáne Ortalyq Azııa aımaǵyndaǵy qarjy ınstıtýttarynyń ókilderi, Qazaqstan ekonomıkasyn ınvestıtsııalaýǵa baılanysty eń kúrdeli máselelerdi ortaǵa salady.
Atalmysh sharaǵa, ekonomıster, úzdik bankter, damý ınstıtýttary, orta jáne shaǵyn bıznestiń basshylary jáne sarapshylary, sondaı-aq Qazaqstanda qazirgi ýaqytta jumys júrgizip jatqan halyqaralyq ınvestıtsııalyq kompanııalar basshylyǵynyń ókilderiniń qatysýy kútilýde.
Konferentsııa qatysýshylary Qazaqstan ekonomıkasy men qarjy júıesiniń damýyna, sonymen qatar memlekettik saıasatqa baılanysty taqyryptarda suhbat júrgizedi. Bul pikir-talas elimizge ınvestıtsııa tartý men olardy aımaqtyq jáne globaldy úlgide keńeıtý múmkindigin qarastyrýǵa baǵyttalǵan. Sondaı-aq, konferentsııada Qazaqstannyń óndiristik jáne eksporttyq ahýalyn aıqyndaıtyn ınvestıtsııalyq jobalar kórmesi uıymdastyrylady. Shara nátıjesi boıynsha, qazaqstandyq kompanııalarmen sheteldik seriktester arasynda bir qatar memorandýmdarǵa jáne ınvestıtsııalyq kelisimderge qol qoıylýy josparlanýda.
