Astanada mamonttardyń azýlary men dınozavrlardyń súıekteri satylatyn qara naryq jumys isteýde
ASTANA. 19 qazan. QazAqparat - Astanada qurylys jumystaryn júrgizý kezinde turaqty túrde kóne janýarlardyń súıekteri tabylyp turady.
Bul týraly 19 qazan kúni shyqqan № 195 (17553) sanyndaǵy «Astana - rodına slonov» materıalynda «Ekspress K» gazeti jazdy.
Derekkózimizdiń sendirýinshe, Astanada mamonttardyń azýlary men dınozavrlardyń súıekteri zergerlik kásip úshin materıal retinde satylatyn kádigi qara naryq jumys isteýde.
Mıhaıldiń (qurylys bıznesi men arheologııalyq zertteýlerge birdeı jaqyn tulǵa) aıtýynsha, jańa astanada aýqymdy qurylystar bastalǵaly munda paleontologtar úshin qyzyqty nysandar turaqty túrde tabyla bastady. Biraq ol týraly aqparattyń barlyǵy birdeı jarııalana bermeıdi.
Tabylǵan tarıhı qaldyqtardyń naqty sany derekkózimizge belgisiz. Biraq, onyń málimetterine qaraǵanda az degende úsh nysan Astananyń qazirgi ákimshilik ortalyǵynyń aýdanynda tabyldy.
«Ýchaskelerdiń ıeleri tarıhı janýarlardyń súıekterin laqtyrý retsiz ekenin tez túsindi. Jaqynda Astanada tabylǵan pil súıeginiń qaldyǵynan áshekeılengen qanjarlar jınaǵy Batys Eýropaǵa attandyryldy», - dedi ol.
