Astanada mamandar jer qoınaýyna qatysty kodeksti talqylaıdy
ASTANA. QazAqparat - 15 qazanda QR Ulttyq kásipkerler palatasy men «Kazenergy» munaı-gaz jáne energetıkalyq keshen uıymdarynyń qazaqstandyq qaýymdastyǵynyń uıymdastyrýymen ǵylymı-tájirıbelik konferentsııa ótedi, dep habarlady QR UKP Jurtshylyqpen baılanys departamentinen.
Jıynǵa qatysýshylar jer qoınaýyn paıdalanýǵa qatysty ázirlenetin Kodeks qurylymynyń tujyrymdy tustaryn talqylmaq. Sondaı-aq, ǵalymdar geologııalyq zertteý salasyna ınvestıtsııa tartý, Kodekstegi jer qoınaýyn paıdalanýshylar úshin salynatyn salyqtyq júktemelerdiń sharttaryn ortaǵa salmaq.
Konferentsııa jumysyna Qazaqstan men shet memleketterde tabıǵı jer qoınaýyn paıdalanýshy kásiporyn basshylary jáne jer qoınaýyn paıdalanýdy retteý salasy mamandary qatysady.
