Astanada mamandar estý qabiletin qalpyna keltirý boıynsha otadan keıingi ońaltýdyń jańa ádisterin meńgerýde
ASTANA. 25 qarasha. QazAqparat /Gúlmıra Alıakparova/ - 2011 jyldyń 21-25 qarashasy aralyǵynda Astanadaǵy Balalardy ońaltý ortalyǵynda reseılik maman estý qabiletin qalpyna keltirý boıynsha
jasalǵan otadan keıingi medıtsınalyq ońaltýdyń jańa ádis-tásilderi boıynsha sheberlik-sabaq ótkizdi. Bul týraly «Ulttyq medıtsınalyq holdıngi» AQ-nyń baspasóz qyzmetinen habarlady.
«Kohlearly ımplantatsııadan keıingi medıtsınalyq ońaltý» dep atalatyn sheberlik-sabaqty m.ǵ.k., Reseı Federaldy Medıko-bıologııalyq agenttiginiń Otorınolarıngologııa Ǵylymı klınıkalyq ortalyǵy Federaldy memlekettik mekemesi vestıbýlologııa jáne otonevrologııa bólimshesiniń jetekshisi, M.F.Vladımırskıı atyndaǵy Máskeý oblystyq ǵylymı-zertteý klınıkalyq ınstıtýty dárigerlerdi jetildirý fakýlteti otorınolarıngologııa kafedrasynyń dotsenti Olga Zaıtseva ótkizdi.
Kohlearly ımplantatsııa ádisi estý qabiletiniń nasharlaýynyń aıqyn jáne aýyr túrimen aýyratyn naýqastarǵa qulaqtarynyń tolyǵymen jáne jartylaı estip ketýine múmkindik beredi. Operatsııa barysynda naýqastyń aǵzasyna syrtqy mıkrofonnan kelip túsetin elektrli ımpýlsterdi nerv júıesine túsinikti bolatyn dybystarǵa aınaldyratyn qurylǵy (kohlearly ımplantant) ornatylady. Degenmen, estý qabileti ımplantatsııadan keıin birden qalpyna kelmeıdi. Implantant aǵzaǵa beıimdelýi tıis, ol úshin uzaq ýaqyt ońaltýdan ótý qajet.
Qazaqstandyq dárigerlerdiń kóbisinde aıtarlyqtaı eńbek tájirıbesi bolǵandyqtan, sheberlik-sabaq barysynda atalmysh syrqatty dıagnostıkalaý men emdeýdiń jańa ádisterin ıgerý, dástúrli zertteýler men emdeýdi tereńdeı úırený, kýrsanttarmen tájirıbe bólisý qarastyryldy.
