Astanada mamandandyrylǵan balalar úıiniń basshysy aýysty
ASTANA. QazAqparat - Elorda ákimi Áset Isekeshev «Astana qalasynyń mamandandyrylǵan balalar úıi» MKM qyzmeti boıynsha arnaıy jınalys ótkizdi, dep habarlandy qala ákimdiginiń resmı saıtynda.
Atalǵan mekeme memlekettik kommýnaldyq mekeme retinde qyzmet atqarady jáne 100 orynǵa eseptelgen. Mekemede 138 medıtsınalyq qyzmetker eńbek etedi.
Jınalysta densaýlyq saqtaý basqarmasynyń jaýapty qyzmetkerleriniń esepti baıandamasy tyńdaldy. Jıyn sońynda ákim balalar úıiniń ashyq jáne tıimdi túrde qyzmet etýin qadaǵalaıtyn qoǵam qaıratkerleri, depýtattar jáne belsendileriniń qatysýymen qamqorlyq keńesin qurýdy buıyrdy.
Sonymen qatar, densaýlyq saqtaý júıesinde 30 jyldyq jumys ótili bar Kenjebaeva Sáýle Kenjetaıqyzy balalar úıine jańa basshy bolyp taǵaıyndaldy. Ol ár jyldary balalar dárigeri jáne densaýlyq saqtaý uıymdarynda bas dárigerdiń orynbasary bolyp eńbek etken.
