Astanada «Malefısenta» fılminiń qazaq tilindegi aldyn ala kórsetilimi ótedi

Aıta keteıik, «Malefısenta» - «Kólikter-2», «Qara kıimdiler-3», «Batyl júrek», «Jańa órmekshi adam», «Monstrlar ýnıversıteti», «Jalǵyz reındjer», «Jańa órmekshi-adam: kernegen qýat» fılmderinen keıingi otandyq kınoteatrlarda qazaq tilinde kórsetiletin segizinshi fılm.

Disney-diń mıstıkalyq blokbasteriniń aldyn ala kórsetilimine jobany uıymdastyrýshylar men áriptester, sondaı-aq fılmde Andjelına Djolı oınaǵan basty keıipkerdi dybystaǵan Gúlnaz Áýesbaeva, Astana qalasyndaǵy balalar úıleriniń tárbıelenýshileri, mektep oqýshylary, respýblıkalyq jastar uıymdarynyń, «Bolashaq» qaýymdastyǵynyń músheleri, «Bolashaq» baǵdarlamasynyń túlekteri qatysady dep josparlanýda.

Fılmniń premerasy 2014 jylǵy 29 mamyrda eldiń barlyq kınoteatrlarynda qazaq jáne orys tilderinde kórsetiledi.

Sondaı-aq ol kórsetilgen kúni qazaq tilin qoldaý úshin «Qazaqsha sóıleýdi ózińnen basta» flesh-moby ótkiziledi.

Jobanyń uıymdastyrýshylary «Bolashaq» qaýymdastyǵy, «MARWIN» kompanııasy, bas demeýshisi - «Samuryq-Qazyna» ulttyq ál-aýqat qory» AQ bolyp tabylady. Ol «Jastar - Otanǵa!» jobasynyń sheńberinde «Nur Otan» partııasymen birlesip, memlekettik tildi damytý jáne jańa qazaqstandyq patrıotızmdi qalyptastyrý maqsatynda iske asyrylýda.