Astanada «Maqsutym til ustartyp, óner shashpaq...» atty qalalyq Abaı oqýlary baıqaýy ótedi
Bul týraly atalǵan basqarmanyń baspasóz qyzmeti habarlady.
Baıqaýdyń negizgi maqsaty - Abaı shyǵarmashylyǵyn nasıhattaý arqyly qazaq mádenıetine, tili men ádebıetine degen ózge etnos ókilderiniń yqylasyn arttyrý, Abaı murasy arqyly qazaq tiliniń kórkemdik qazynasyn, sóz óneriniń beıneliligi men baılyǵyn nasıhattaý, izgilikti qundylyqtardy ulyqtaý, jastardyń kórkem sóz oqý sheberligin, til mádenıetin jetildirý.
Bul baıqaýǵa elordada turatyn 15-22 jas aralyǵyndaǵy ózge etnos ókilderi qatysady. Baıqaý erejesine sáıkes Abaı shyǵarmalaryn (bilim, ǵylym jáne óner taqyryptaryna órilgen poezııalyq shyǵarmasyn nemese qara sózin) jatqa mánerlep oqý, «Abaı joly» romanynan úzindini kórkem sheberlikpen jatqa oqý, Abaıdyń 1 ánin oryndaý boıynsha saıysqa túsedi.
Baıqaýda Abaı ánderi shyrqalyp, Abaı ómirinen syr shertetin sahnalyq qoıylym kórsetiledi. Jalpy kópshilik, jastar Abaı ómirinen, onyń shyǵarmashylyq ádebı baı murasynan maǵlumat alady.
Baıqaýǵa zııaly qaýym jáne qoǵamdyq uıymdar men jastar uıymdarynyń, BAQ ókilderi, til janashyrlary, oqý oryndarynyń oqytýshylary, joǵarǵy jáne arnaýly orta oqý oryndarynyń stýdentteri, mektep oqýshylary qatysady.
Baıqaýdyń jeńimpazy respýblıkalyq baıqaýǵa jiberiledi. Júldegerler dıplomdarmen, alǵys hattarmen jáne basqa da syılyqtarmen marapattalady.
