Astanada Mádenıet salasy qyzmetkerleri respýblıkalyq kásipodaǵynyń sezi ótti

Forýmǵa teatrlar men murajaılardyń, kitaphanalar men klýbtardyń, kınoındýstrııa men tsırktiń, sport jáne buqaralyq aqparat quraldarynyń delegattary qatysty. Sezge qatysýshylar tolǵaǵy jetken túrli ózekti máselelerdi talqylady, onyń ishinde mádenıet salasy qyzmetkerleriniń jalaqysymen, ártisterdiń jekelegen sanattaryn jazataıym oqıǵalardan saqtandyrý problemalarymen baılanysty máseleler sóz boldy.

Forým qorytyndysy boıynsha Qazaqstan Respýblıkasynyń Mádenıet salasy qyzmetkerleri respýblıkalyq kásipodaǵynyń tóraıymy bolyp kelesi bes jyl merzimge Svetlana Shalahmetova saılandy.

Sezd jumysyna mádenıet vıtse-mınıstri Asqar Bóribaev, salalyq komıtettiń tóraǵasy Іlııas Qozybaev, Sank-Peterbor qalasynyń Mádenıet jáne bilim berý halyqaralyq qoǵamdyq qorynyń prezıdenti Gennadıı Popov qatysty.