Astanada mádenıet salasyndaǵy áıelderdi qoldaý ortalyǵy ashyldy
ASTANA. KAZINFORM – Rixos President Hotel qonaqúıinde ART QALQA (AQ) mádenıet salasyndaǵy áıelderdi qoldaý ortalyǵy tusaýkeseri ótti.
Ortalyqtyń alǵashqy is-sharasy - sýretshi Ásemgúl Janahmetovanyń «Álem – áıel janarynda» atty kórmesi boldy. Sýretshi týyndylary qazaqtyń dástúrli mádenıeti men zamanaýı sýret óneri elementterin toǵystyrady.
Іs-shara shyǵarmashylyq salasyndaǵy áıelderdi – jazýshylardy, sýretshilerdi, mýzykanttardy, ártisterdi jáne bıznes, úkimet, Parlament, elshilikter men respýblıkalyq, halyqaralyq uıym ókilderin bir shańyraq astyna jınady.
Qazaqstandaǵy Ulybrıtanııa Elshisi Ketı Lıch qyzdardyń bastamasyna qoldaý bildirý úshin arnaıy keldi. Ol Art Qalqa jumysy men josparlary jaıly ortalyq ókilderimen, sýretshimen onyń shyǵarmashylyǵy jaıly pikir almasty.
Keshke qatysqan Túrkııa jáne AQSh elshilik ókilderi de áıelder shyǵarmashylyǵyn qoldaıtyn ortalyqtyń qurylýyna qatysty jyly lebizderin bildirdi. Túrkııa elshilik ókilderi eki el arasynda alda kórkemsýret boıynsha ótetin sharalardan habardar etti.
Sondaı-aq, Qazaqstan isker áıelder qaýymdastyǵy, Qazaqstan Halyqtar Assambleıasy janyndaǵy Respýblıkalyq Analar keńesi ókilderi de shyǵarmashylyq áıelderdi qoldaý boıynsha pikirlerin ortaǵa saldy.
Keshtiń basty maqsaty - kreatıv ıdeıalarmen almasý jáne olardy iske asyrý múmkindikterin talqylaý úshin netvorkıng alań qurý.
AQ ortalyǵynyń mıssııasy ulttyq jáne halyqaralyq deńgeıde áıelderdiń shyǵarmashylyq jobalaryn ilgeriletý arqyly ınklıýzıvti, ashyq jáne kórkeıgen qoǵam qurýǵa yqpal etý. Qazirdiń ózinde Italııa, Túrkııa jáne basqa elderdegi halyqaralyq kórme, festıvalder jáne bilim berý baǵdarlamalaryna qatysý, hadyqaralyq uıymdarmen baılanys ornatý boıynsha kelisimderge kelýde.
Ortalyq Qazaqstannyń kreatıvti ındýstrııasynyń túrli salasynda jumys isteıtin áıelderdiń bastamasymen quryldy. Olardyń qyzmeti áıelder kóshbasshylyǵyn damytýǵa, talanttardy qoldaýǵa, kásibı daǵdylardy jetildirýge, belsendi jáne shyǵarmashylyq áıelder jelisin qalyptastyrýǵa baǵyttalǵan.
Aıta keteıik, Almatyda Eskendir Hasanǵalıevtiń 85 jasqa tolýyna oraı kórme ashyldy.